Бирсәткәһен дә, селтәрен дә, туҡмасын да өлгөртәләр

Ишембай районының Алаҡай ауылы бәләкәй генә булһа ла, махсус хәрби операцияға ярҙам сараларында әүҙем ҡатнашалар. Ошо көндәрҙә улар дәррәү маскировка селтәрҙәре үргән. Был эштән хатта балалар ҙа ситтә ҡалмаған. Әле икәүҙе эшләһәләр, ғөмүмән, барлығы унауҙы үргәндәр.

Алаҡайҙың уңған ҡатын-ҡыҙҙары туҡмас киптереп тә яугирҙәрҙе хәстәрләй. Әле 10 килограмм ондан байтаҡ ҡына әҙерләп ҡуйғандар, был эш туҡталмаған әле. Бер үк ваҡытта бирсәткәләр бәйләп тә һалдаттар тураһында хәстәрлек күрәләр. Кәрәк-яраҡ алыуға халыҡ та ярҙамға үҙ өлөшөн индерә.

Бәләкәй генә ауыл үҙенең берҙәмлеге менән һоҡланыу уята.

Фото: Сәлимә Герасименко архивынан.