Асҡын ауылының Мәҙәниәт йорто ҡаршыһындағы сквер байрам көнөндә халыҡтан өҙөлмәне. Хәрби ялан кухняһында теләгән һәр кем ысын һалдат бутҡаһын тәмләне. 800 порциялыҡ тәмле бутҡаны 2-се, “Василек”, “Солнышко” балалар баҡсалары хеҙмәткәрҙәре әҙерләгән. Ошонда уҡ ҡайнар сәй менән һыйланылар.
–Бутҡа ҡайнар, бик тәмле! Бындай байрам ойошторғанығыҙ өсөн ҙур рәхмәт! Ата-бабаларыбыҙҙың батырлығын хәтергә төшөрөү менән бергә ысын һалдат бутҡаһынан ауыҙ итеү онотолмаясаҡ! Ялан кухняһы байрамға тағы бер биҙәк булды, – тип тәьҫораттары менән уртаҡлашты асҡындар һәм ҡунаҡтар.
Саф һауалағы сара, күңелле мөхит, хәрби йылдарҙың иҫтәлеге булып яңғыраған йырҙар кәйефте күтәрҙе. Бынан 79 йыл элек ата-бабаларыбыҙҙың батырлығы менән яуланған еңеү бөгөн беҙҙең өсөн айырыуса ҡәҙерле һәм иҫтәлекле.
Фото: https://askino.info/articles/denpobedy/2024-05-09/soldatskaya-kasha-simvol-pobedy-3760007