Бүздәктәр яугирҙәренә ярҙам итә

“Яҡташтарыбыҙға исемле посылкалар, маскировка селтәрҙәре, окоп шәмдәре, тушенка, һалма һәм башҡаһын алып барҙыҡ. Бүздәк егете Азат Хисмәтуллинға Башҡортостан Башлығы Радий Хәбиров исеменән Миңлеғәле Шайморатов исемендәге миҙалды тапшырҙыҡ.

Егеттәрҙең үтенестәрен тыңланыҡ, райондағы һуңғы яңылыҡтар тураһында һөйләнек. Ғәҙәттә, яугирҙәргә үҙемдең телефонымды ҡалдырам. Был уларҙың туғандарының барлыҡ көнкүреш мәсьәләләрен тиҙ арала хәл итеү өсөн мөһим. Яугирҙәргә өйҙәрендә барыһы ла тыныс булыуын белеү кәрәк”, - тип хәбәр итте Илнур Игдиев.

Башҡортостан Диңгеҙселәр йыйылышының Бүздәк филиалы етәксеһе Рәмил Лоҡманов та был сәфәрҙә ҡатнашҡан. Уның һүҙҙәренсә, был - урындағы филиалдың 13-сө гуманитар ярҙамы. Гуманитар ярҙамды ойоштороуҙа Башҡортостан Диңгеҙселәр Йыйылышының шәхси составы, МаскСетиЩитӨфө, Бүздәк районы хакимиәте, район халҡы һәм йәмәғәт ойошмалары, Бүздәк сауҙа комплексының шәхси эшҡыуарҙары, «Рәсәй терәге» ирҙәр комитеты, Башҡортостан Мәғариф министрлығының Бүздәк филиалы ирекмәндәре ҡатнашҡан.

Квадрокоптерҙар, бал, Нива автомобиленә ҡышҡы резина, Шайморатов батальоны заявкаһы буйынса медикаменттар, термо кейем, ойоҡбаштар (1000 пар), газ баллондары, ут һүндергестәре, патрон, тоҙ, балыҡ, маскировка селтәрҙәре, еүеш салфеткалар, газ баллондар, аҙыҡ-түлек, запас частар, шулай уҡ бик күп исемле посылкалар алып килгәндәр.

- Сәфәр барышында биш нөктәлә туҡтаныҡ. Бөтә хәрби хеҙмәткәрҙәр исеменән Хәрби һауа көстәре зонаһына гуманитар ярҙам йыйыуҙа һәм килтереүҙә ҡатнашҡандарға рәхмәт белдерәбеҙ. Егеттәребеҙҙе еңеү менән көтәбеҙ! – ти бүздәктәр.

Фотолар Бүздәк районы хакимиәтенән алынды.