Ятҡан кеше эләгеп йығылмай

Көнсығыш халыҡтарының аҡылына ла күҙ һалайыҡ. Күпме мәғәнә һалынған уларға, бик тапҡыр әйтемдәр.

*Тәрән йылға тын аға.

*Ябай кешеләрһеҙ бөйөктәре тыумай.

*Юғарыға үрләргә теләгән кеше баҫҡыс уйлап табыр.

*Йылмайған йөҙгә уҡ осормайҙар.

*Иҫәрҙәргә юл бир.

*Әгәр ҡатын-ҡыҙ нимәнелер ныҡ теләһә, ҡая аша ла үтер.

*Киткән кешене туҡтатма, киләм тигәнде ҡыума.

*Шәп – ул яй, әммә туҡтауһыҙ барыу.

*Яман кешенең дуҫы булғансы, һәйбәт кешенең дошманы булыу яҡшы.

*Ҡатын менән ир ҡул менән күҙ кеүек булырға тейеш: ҡул ауыртһа - күҙ илай, күҙҙәр илаһа – ҡул һөртөп ала.

*Ваҡ йылғасыҡтарға ла иғтибарлы булған өсөн диңгеҙ ҡеүәтле.

*Алыҫ юл да яҡынынан башлана.

*Ҡайғы йыртыҡ күлдәк кеүек. Уны өйҙә ҡалдырып китер кәрәк.

*Ятҡан кеше эләгеп йығылмай.

*Бер йылы һүҙ өс ҡышҡы һыуыҡ айҙы ла йылыта ала.

*Проблема хәл итерлек булһа - уны уйлап борсолмағыҙ, әгәр хәл итеп булмай икән - борсолоуҙан файҙа юҡ.

*Ағас ботағын һүрәткә төшөргәндә ел иҫеүен ишетергә кәрәк.

*Кеше тураһында насар уйлар алдынан ете тапҡыр тикшер.

*Ҡулыңдан килгәндең барыһын да эшлә, ә ҡалғанын яҙмышҡа тапшыр.

*Артыҡ намыҫлы булыу алйотлоҡ  менән сиктәш.

*Көлөү тауышы яңғыраған йортҡа бәхет ҡуна.

*Еңеүҙе дошманына ҡарағанда ярты сәғәткә оҙағыраҡ түҙгән ала.

*Шулай ҙа була: япраҡ бата, ә таш йөҙә.

*Һыуыҡ сәй менән дөгөгә түҙеп була әле, ә һалҡын ҡараш һәм яман һүҙгә  - юҡ.

*10 йәштә – мөғжизә, 20-лә – аҡыл эйәһе, ә 30-ҙан һуң – ябай кеше.

*Уйлағас – тәүәккәллә, тәүәккәлләгәс – уйлама.

*Белмәгәнде һорашҡан өсөн бер минут оят, ә белмәү - ғүмерлеккә оят.

*Насар оҫта ҡулынан камил һауыт тыумай.

*Әҙерәк эйелеүҙән ҡурҡма, төҙөрәк булырһың.

*Юлға үҙ теләгең менән сыҡһаң, йөҙ саҡрым да берәү кеүек тойолор.