Киев, Днепр өсөн алышта ҡатнашҡан ветеран 101 йәшен билдәләне

2 ноябрҙә Бөйөк Ватан һуғышы ветераны Николай Васильевич Васильев 101 йәшен билдәләне.

Уны ошо иҫ киткес ваҡиға менән Өфө ҡала хакимиәте башлығының беренсе урынбаҫары Сергей Кожевников һәм ҡаланың Калинин районы хакимиәте баглығы Ғәзизйән Әхмәтйәнов, уҡыусылар ҡотланылар.

Оло йәштә булыуына ҡарамаҫтан, ветеран теремек һәм үҙен яҡшы тоя.

Ул һаман да үҙенә хас шаянлығын юғалтаған, тормошонда булған ваҡиғалар, Бөйөк Ватан һуғыш тураһында һөйләй.

Николай Васильев һуғышҡа 1942 йылда алына һәм дәһшәтле йылдарҙы десант ғәскәрҙәре составында үтә. Киев, Днепр өсөн алышта, Австрияны, Венгрияны һәм Чехословакияны азат итеүҙә ҡатнаша. Демобилизациянан һуң Өфөгә килә, Урал политехник институтын тамамлап, хоҡуҡ һаҡлау органдарында эшләй.

Уның данлы, өлгөлө, лайыҡлы тормош юлы үтеүе тураһында бик күп наградалары һөйләй. Улар араһында генерал Шайморатов ордены ла бар – уны быйыл тапшырғандар.

Хөрмәтле Николай Васильевич, тыуған көнөгәҙ менән ихлас күңелдәр ҡотлайбыҙ! Һаулыҡ һәм һеҙгә һәм яҡындарығыҙға иң изге теләктәребеҙҙе еткерәбеҙ. Онотомағыҙ – Һеҙҙең быуын беҙҙең өсөн, йәш быуын өсөн илһөйәрлек өлгөһө.

Фото сығанағы: https://t.me/AkhmedyanovGG/3679