Бер меңгә яҡын кеше мөрәжәғәт иткән

Бер аҙна эсендә бер меңгә яҡын кеше үҙҙәрен борсоған проблемалар тураһында Башҡортостандың Йәмәғәт палатаһы ағзаларына туранан-тура һөйләй алған. Бындай осрашыуҙарҙа йәмәғәтселәр республикала йәшәүселәр һорауҙарына яуап бирә, ә Йәмәғәт палатаһының ресурстар үҙәге белгестәре социаль проектлауға өйрәтә. Ҡыҫҡа ваҡыт эсендә 19 муниципаль берәмектәге осрашыуҙарҙа бер меңдән ашыу кеше үҙҙәрен борсоған һорауҙарҙы бирҙе. Балалар лагерҙарында туҡланыу, инвалидтарға дарыуҙар биреү һәм башҡалар тураһында һорауҙар булды. Күптәрҙе реабилитациялау, белем биреү ойошмаларында һаулыҡ мөмкинлектәре сикләнгән балаларға шарттар булдырыу, эш хаҡы һәм башҡалар борсоно. Ҡайһы бер райондарҙа Йәмәғәт палатаһы ағзалары ваҡытлыса ата-әсә ҡарауынан ҡалған балалар өсөн приютта булды.

Бындай саралар республиканың барлыҡ муниципалитеттарында буласаҡ. “Ҡайһы бер осраҡта районда йәшәүселәргә власть вәкилдәренә, бигерәк тә урында хәл ителмәгәндәрен проблемаларҙың мөһимлеген еткереүе ауыр. Урындарға сығып эшләүебеҙ кабинеттар буйлап йөрөүҙән ҡотҡара һәм улар адресына яҙма мөрәжәғәт итеү мөмкинлеген бирә. Беҙ, үҙ сиратыбыҙҙа, проблеманы өйрәнеп, ҡайһы ведомствоға мөрәжәғәт итеү яҡшыраҡ икәнлеген хәл итәбеҙ. Осрашыуҙар үҙ-ара ышаныста әңгәмә рәүешендә үтә”, - тип билдәләне Данияр Абдрахманов.

Сығанаҡ, фото: Башҡортостандың Йәмәғәт палатаһы.