Полина Гагарина республикабыҙҙың халыҡ артисы

Билдәле йырсы Полина Гагаринаға “Башҡортостан Республикаһының халыҡ артисы” тигән маҡтаулы исем бирелде. Республика Башлығы Радий Хәбиров тейешле указға ҡул ҡуйҙы.

Билдәләп үтергә кәрәк, Полина Гагарина Өфөнөң 450 йыллығына арналған тантаналы сараларҙа ҡатнаша һәм 31 августа Моторҙар эшләүселәр мәҙәниәт һарайы алдындағы майҙанда сығыш яһай. Йырсы республиканың баш ҡалаһында сығыш яһаған өсөн үҙенең гонорарының бер өлөшөн Курскиҙа йәшәүселәргә ярҙам фондына йүнәлтә.