+13 °С
Облачно
Баҡса
15 Мая 2020, 06:52
Үрсетмәләрегеҙ асыҡмаһын!
Тәҙрә төбөндәге, түтәлдәрҙәге үҫемлектәребеҙ ҡеүәтле тәбиғи биопрепараттар ярҙамында көндән-көн нығына, шәбәйә бара. Убырлы помидор, борос һәм баклажан үрсетмәләрен аслыҡҡа дусар итеп ҡуймағыҙ – грунтта туҡлыҡлы элементтар етерлек күләмдә булһын. Үҫемлектәрҙе беренсе туҡландырыу күсереп ултыртҡандан һуң 7 – 10 көндән, даими япраҡтарының икенсе пары сыҡҡас, башҡарыла. Был саҡта ниндәй ашлама ҡулланырға һуң?
“Бионекс-Кеми” ашламаларының отошло яҡтары
Өй шарттарындағы үҫемлектәрҙе йомшаҡ органоминераль ашламалар, шулай уҡ һыуҙа иреүсән комплекслы “Бионекс-Кеми” ашламалары менән туҡландырырға кәрәк. “Бионекс-Кеми” ашламалары һәйбәт ирей, туҡлыҡлы матдәләре ҙур концентрациялы (18-әр процент азот, фосфор һәм калий), составы баланслы һәм унда хлор юҡ.
“Бионекс-Кеми” ашламалары магний, бор, молибден, кобальт, баҡыр, тимер, марганец кеүек макро- һәм микроэлементтар менән дә байытылған, ә улар үҫемлектәрҙәге мөһим процестар (фотосинтез, һулыш алыу, күҙәнәктәрҙең бүленеүе һ.б.) өсөн яуаплы. Бар тереклек – үҫемлектәр ҙә, кешеләр ҙә – ошо иҫ китмәле биоген элементтарҙан тора.
Бионекс-Кеми ашламаларының тағы бер шәп яғы – уларҙа кәрәкһеҙ сит ҡушылмалар, шул иҫәптән зарарлы ауыр металдар юҡ.
Саманан аштырып ебәрә күрмәгеҙ!
“Бионекс-Кеми” серияһындағы комплекслы ашламаларҙа минераль тоҙҙар бик юғары концентрацияла тупланған. Шунлыҡтан миҡдар буйынса талаптарҙы теүәл үтәргә кәрәк. Саманан аштырыу үҫемлектәрҙе һәләк итергә мөмкин – артығын ҡойһаң, үҫемлек тамырҙарының тупраҡ иретмәһен осмотик һурыуы боҙола, артығын һиптерһәң, япраҡтар көйә.
Дөрөҫ миҡдарҙы иҫтә ҡалдырыу бик еңел: 1 литр һыуға – 1 балғалаҡ ашлама. Был күләм бөтә үҫемлектәргә, сәскәләргә, йәшелсәләргә яраҡлы.
Дөрөҫ ҡулланыу зарур
“Бионекс-Кеми” ашламаһы иретмәһен үҫемлектең төбөнә ҡойорға, шулай уҡ тамырҙан тыш туҡландырыу өсөн дә тотонорға була. Ике осраҡта ла миҡдар бер төрлө. Әммә үҫемлек төбөнә ҡойоу 7–10 көнгә бер тапҡыр эшләнһә, япраҡтарға һиптереү, үҫемлектәрҙең өҫкө өлөшө ярайһы уҡ ҡеүәтләнгәс, айына бер тапҡыр ғына башҡарыла.
Һыуҙа иреүсән универсаль “Бионекс-Кеми” ашламалары 50 һәм 200 грамлы ҡаптарҙа (өй эсендә һәм баҡсала ҡулланыу өсөн) һатыла.
