“Дауа өсөн файҙаланам”

Быйыл Яңылбикә Зәйнә­ғәбдин ҡыҙы 80 төптән ашыу помидор ултыртҡан, улары мул уңыш биргән. Кәбеҫтә, кишер, сөгөлдөр тураһында әйтеп тороу ҙа кәрәкмәй, шулай уҡ виноград емеше лә хужаһын ҡыуандырған.

Атанғол ауылы ҡыҙы Күсей егете Салауатҡа ке­йәүгә сыҡҡас, “Ирәндек” совхозының Күсей бүлексә­һендә 38 йылдан ашыу бухгалтер булып эшләй. Хаҡлы ялға сыҡҡас, күптәнге хыялын тормошҡа ашырып, сәскә, баҡса үҫтереү менән шөғөлләнә башлай. Күңел тыныслығы биргән шөғөлдө ул ҙур ихласлыҡ менән башҡара. Йортоноң тәҙрә төптәрендә ниндәй генә гөлдәр юҡ: береһенән-береһе сағыуыраҡ һәм ма­турыраҡ. Әйткәндәй, уның был күркәм шөғөлө күрше­ләренә лә күскән. Ауылдың ошо урамында йәшәүселәр бер-береһенә сәй эсергә түгел, гөл кү­рергә йөрөй. Береһендә булмағанын икенсеһе ала, кемдер үҙенекен тәҡдим итә. Уңғандары, гөл үрсет­мәләрен айырым ултыртып, һатыуға ла тәҡдим итә. Бер юлы үҙенә табыш та ала, матурлыҡ та өләшә.

– Мин йыл һайын ҡа­баҡ­ты күпләп үҫтерәм, сөн­ки шәкәр сиренән ярҙамы бик ҙур. Ҡыш буйы рәхәт­ләнеп ҡулланам, орлоғон да ташламайым, уны киптереп ашайбыҙ. Ҡабаҡтан ҡай­нат­ма, һут әҙерләйем, бут­ҡа бешерәм. Балалар ман­тыһын да яратып ашай, улар килеүгә һәр саҡ әҙер­ләп ҡуям, – ти Яңылбикә Ишбирҙина.

Яңғыҙ донъя көтөүенә ҡарамаҫтан, уңған хужа­би­кә, баҡса үҫтереүҙән тыш, күпләп ҡош-ҡорт аҫрай, мал-тыуар, йылҡы тота. Сит­тә йәшәгән балалары әсәләре­нә һәр саҡ ярҙамлаша.

Баймаҡ районы.