+21 °С
Болотло
Баҡса
2 Октябрь 2020, 06:46
Уңғандарҙың ҡабағы өлгөргән!
Быйылғы көҙ үҙенең муллығы һәм йомартлығы менән ҡыуандыра. Баҡсаларҙа әле булһа сәскәләр төрлө төҫтә балҡып ултыра, түтәлдәрҙә йәшелсә емерелеп уңды, ҡабаҡ, ташҡабаҡ, картуф – барыһынан да баҙҙар тулды. Хатта күптәр йәшелсәһен, еләк-емешен ҡайҙа илтергә, кемгә бирергә белмәй баш вата.
Быйылғы көҙ үҙенең муллығы һәм йомартлығы менән ҡыуандыра. Баҡсаларҙа әле булһа сәскәләр төрлө төҫтә балҡып ултыра, түтәлдәрҙә йәшелсә емерелеп уңды, ҡабаҡ, ташҡабаҡ, картуф – барыһынан да баҙҙар тулды. Хатта күптәр йәшелсәһен, еләк-емешен ҡайҙа илтергә, кемгә бирергә белмәй баш вата.
Һәр төбәктең үҙенә генә хас үҙенсәлеге була. Ә бына Хәйбулла районының Оло Әбеш ауылында халыҡ күпләп ҡабаҡ сәсеп дан тота. Бында уңыш йыйып алынғас, йыл һайын “Ҡабаҡ байрамы” үткәрелә. Ауылдың уңған баҡсасылары үҙҙәре үҫтергән йәшелсәнән төрлө аш-һыу, ҡайнатма, һуттар әҙерләп алып сыға, иң ҙур һәм күп ҡабаҡ үҫтергән баҡсасы билдәләнә.
Быйыл иң ҙур һәм иң күп ҡабаҡты Рәмилә менән Фуат Илембәтовтар үҫтергән. Егәрле хужаларҙың баҙы йәшелсә, еләк-емеш менән тулған, келәттәренә һалыр урын да юҡ.
Йорт хужабикәһе Рәмилә ханым әйтеүенсә, улар йыл һайын ҡабаҡты күпләп ултырта. Ҡыш буйы үҙҙәре лә рәхәтләнеп ҡуллана, шулай уҡ ҡош-ҡорт һимертеү өсөн дә бынамын тигән ризыҡ, тиҙәр. Әйткәндәй, урман төбәгендә йәшәгән кешеләр ҡош-ҡортон, мал-тыуарын ем менән түгел, ҡабаҡ ашатып үҫтерә һәм ҡышҡылыҡҡа һимертә, сөнки был яҡтарҙа иген үҫтереү еңелдән түгел, хаҡы ла бик ҡиммәткә төшә.
Хәйбулла районы.
