Башҡортостан
-14 °С
Болотло
VKOKРУС
Бөтә яңылыҡтар
Баҡса
25 Март , 16:39

Яҙҙы ҡаршылап...

Баҡсасылар өсөн мөһим осор башлана.

Һауа температураһы 5 градус­тан юғары күтәрелгәс, санитар ҡырҡыу башҡарыла. Ҡырҡын­дының төбөн ҡалдырмайынса тигеҙ итеп киҫергә кәңәш ителә. Серетә торған микрофлора үтеп инмәһен өсөн ҡырҡылған урындарға ғына түгел,  ағас ҡабығындағы яраларға ла ыуар һөртөп ҡуйырға кәрәк.

Ыуарҙы  дөрөҫ һайлау мөһим. “Вар Сад Пчелка” – ышаныслы, тулыһынса тәбиғи ыуар. Ул бал ҡорто балауыҙынан, ылыҫ сайырынан, аҡ шыршы һәм үҫемлек майҙарынан, шулай уҡ үҫемлекте һаҡлай торған Фитоспорин фитобактерияларынан тора. Был ыуар ағас яраларын ҡаплап ҡына ҡалмай, ә дауалай ҙа.   

Был эште ағас һәм ҡыуаҡтарҙа һут ҡуҙғалғансы эшләп ҡалырға кәрәк. 

Йәнә ағас ҡабығында ҡышлаған ҡоротҡостар менән дә көрәшеп алмай булмай. Бының өсөн баҡсаға мул ғына итеп мочевина иретелгән һыу һибеп сығығыҙ. Уның үҫем­лектәргә зыяны юҡ, ә ҡорот­ҡостарҙы һәйбәт ҡыра.  

Ағастарҙы аҡлау уларҙы ҡояшҡа яныуҙан һаҡлау өсөн башҡарыла. Көҙҙән ағартылған ағастар ҡояш ҡыҙыуына бирешеп бармай.  Яҙҙың йылы, сыуаҡ бер көнөндә ағас­тарҙы тағы аҡлап сығырға кәрәк. “Доктор сад” тигән баҡса аҡ буяуын һайларға кәңәш итәбеҙ. Ул дауалау ҡеүәһенә лә эйә, сөнки тәбиғи эликсирҙар һәм файҙалы фитобактериялар ҡушылған.

Ҡарағат менән крыжовник ҡы­уаҡтарын да тунау мәле етте. Ҡара ҡарағаттың ҡартайған ботаҡтарын ултыртылғандан алып бишенсе йылдан ҡырҡа башлайҙар. Ә ҡыҙыл, аҡ ҡарағат менән кры­жовниктың ҡарт ботаҡтарын 6-8 йәшкә еткәс кенә киҫеп ташлайҙар. Ҡыуаҡтарҙы ошолай йәшәртеп алыу уңышты бермә-бер арттыра. Ҡара ҡарағат ҡыуаҡтарын иғтибар менән ҡарап сығығыҙ: ҡабарып торған йыуан бөрөләр (бөрө талпаны) юҡмы? Булһа, йыйып ян­дырырға кәрәк.  

Ағастарға йәбештергес билбау­ҙар ҡуйып сығығыҙ. Ул алмағасты, мәҫәлән, алма ҡуңыҙынан һәм оҙонморон ҡуңыҙҙарҙан һәйбәт һаҡлай.

Емеш ағастарына, ҡыуаҡтарға ялғау өсөн сыбыҡтар әҙерләргә ваҡыт. Ҡарағат сыбыҡтарын ҡыр­ҡып алып, һыулы һауытҡа ҡуйып, тамыр ебәргәс, тупраҡлы һауытҡа ултыртығыҙ. Баҡсала ер йылынғас, тәғәйен урынға күсерегеҙ. Көҙгә бы­на тигән ҡыуаҡ булып үҫеп китер.

Читайте нас в