Беҙҙең гәзитебеҙҙең тоғро дуҫы, Октябрьский ҡалаһында йәшәүсе оҫта баҡсасы Тәнзилә Ғарипова теплицала ултыртылған үҫентеләрҙән мул уңыш алыу серҙәрен белә. Уның кәңәштәрнә ҡолаҡ һалайыҡ.
- Күп баҡсасылар теплицалар һәм баҡсаларҙа йәшелсә үҫтереү буйынса тәжрибәм менән уртаҡлашыуҙы һорайҙар. Айырыуса теплицаға ҡасан һәм нисә помидор һәм ҡыяр ултыртыу мәсьәләһе менән ҡыҙыҡһыналар.
- Помидор ултыртыуға нисек әҙерләнгәнемде күрһәтәйем. Мин помидор өсөн 26 соҡор, ҡыяр өсөн 8 соҡор әҙерләйем. Һәр соҡорға 0,5 биҙрә тиреҫ, бер аш ҡалағы ОМУ ашламаһы һәм балыҡ оно һалам. Йәш үҫентеләрҙе төнгө һыуыҡтарҙан һаҡлау өсөн өсөн дуғалар ҡуйҙыҡ, 2 ҡатлы япма менән уларҙы ҡаплап ҡуйҙым.
- Ҡыяр теплицаһында ҡыяр ултыртыу өсөн 20 соҡор, ҡауын өсөн 8 соҡор эшләнем. Май урталарында, ғәҙәттә, ҡыяр ашай башлайбыҙ, - тип Тәнзилә апай кәңәштәрен йәлләмәй.
Ә һеҙ теплицағыҙға нимә ултыртып өлгөрҙөгөҙ?
Фотолар авторҙың социаль селтәрҙәге сәхифәһенән алынды.