Бөтә яңылыҡтар
Баҡса
21 Апрель 2022, 21:00

Баҡсала ниндәй эштәр көтә?

Ҡырмыҫҡаға, ҡоротҡостарға ҡаршы ниндәй саралар ҡулланырға?

Баҡсала ниндәй эштәр көтә?
Баҡсала ниндәй эштәр көтә?

Алда май байрамдары – оҙайлы ялдар тора. Был көндәрҙә түбәндәге эштәрҙе башҡарып ҡуйырға була.

* Тирә-яҡты сүп-сарҙан, ҡоро үлән-япраҡтарҙан таҙалайбыҙ. Әгәр баҡсағыҙҙа, ихатағыҙҙа ҡырмыҫҡа иләүен тап итһәгеҙ, уларға ҡаршы "Гром", "Муравьед" кеүек сараларҙы ҡулланырға мөмкин: тупраҡ эсенә һипһәгеҙ, һөҙөмтә булыр.

* Ҡоро көндө һайлап, емеш-еләк ағастарының ботаҡтарын киҫегеҙ, ҡыуаҡтарҙыҡына тейешле форма бирегеҙ. Уларҙы ҡоротҡостарға ҡаршы тәғәйен препараттар менән эшкәртегеҙ.

* Емеш-еләк ағастарының олонона йәбешкәк таҫмалар ҡуйығыҙ - ҡоротҡос бөжәктәр менмәҫ. Төптәренә азотлы ашлама һибегеҙ.

* Теплицаларҙы таҙартҡас, унда редис, йәшеллектәр сәсергә була. Былтыр фитофтора яфалаһа, фармйод менән эшкәртергә кәңәш ителә.

* Шулай уҡ үрсетмәләрҙе үҫтереүҙе дауам итәбеҙ. Һауыттарына тупраҡ өҫтәйбеҙ. Уларҙы теплицаға сығарып торорға ла була.

* Йәшелсәләрҙең урынын йыл да алмаштырып тороу кәрәклеген иҫтән сығармайбыҙ.

Ялдарығыҙ матур, һөҙөмтәле үтһен!

Фото: Город.ру

Автор:Миләүшә Сайтакова
Читайте нас в