Бәрәңге уңһын өсөн ни эшләргә?

Барлығы был уңған ғаиләнең баҡсаһында һигеҙ сорт бәрәңге үҫә: 75, 90, 120 көндә өлгөргәндәре бар. Төрлөһөн төрлө ваҡытта, һуңғыларын  3 майҙа сәскәндәр.

Иң беренсе ултыртылған бәрәңгеләр өлгөргән. Уларҙы йәйен ашау маҡсатында махсус рәүештә тиҙ өлгөрә торған сорттарҙы һайлағандар. Бәрәңге эре булһын өсөн үҙҙәренең алымдары  менән бүлеште баҡса оҫталары:

• Бәрәңге сәскәләнә башлау менән сәскәһен өҙөп торабыҙ. Шул ваҡытта туйындырыу көсө сәскәгә түгел, ә бүлбеләренә китә, бәрәңге эре була, - тине улар.

Зөлфиә менән Салауат Ғәлиәхмәтовтар баҡсаһында бер генә метр буш ятҡан ерҙе лә күрмәҫһен. Йәшелсә-емеш,  ҡыуаҡтарҙың төрлөһө урын алған. Помидорҙары ла ҡыҙарып бешә башлаған. Ҡарағаттарының емештәре хатта сейә ҙурлыҡ була.

Баҡса үҫтереүҙәге башҡа серҙәре тураһында тулыраҡ гәзит биттәрендә уҡырһығыҙ.

Автор фотолары.