Баҡса йортонда теплицағыҙ булһа...

Теркәлеү ғариза яҙыуҙан һуң ғына атҡарыла. Теплица кадастр иҫәбендә булмаһа, хужаһына штраф һалынмаяасҡ. Бынан тыш, хужалыҡ кәрәк-ярағы, шул иҫәптән теплицалар ҙа мотлаҡ теркәлергә тейеш түгел. Әйтәйек, нигеҙ һалып эшләнмәгән каркаслы ҡоролмалар күсемһеҙ милек объекттары түгел — уларҙы теркәргә кәрәкмәй.

Әммә хужаһының теләгенә ҡарап, нигеҙе булған биналарҙы теркәргә мөмкин.

Иң мөһиме:

• Әгәр бинаның майҙаны 50 квадрат метрҙан кәмерәк булһа, уға мөлкәт һалымы һалынмай;
• Күберәк икән – һалым түләргә тура киләсәк. Уның суммаһы хисапланған объекттың кадастр ҡиммәтенә бәйле. Был осраҡта һалым ставкаһы 0,1-0,3 процент тәшкил итәсәк.

Йылытмаларҙан тыш, хужалыҡ кәрәк-ярағы өсөн һалынған капиталь биналар исемлегенә йәйге аш-һыу бүлмәләре һәм мунсалар инә.

Гараждар иһә хужалыҡ төҙөлөшө объекты булмаһа ла, уларға һалым түләнә.

фото: pro-dachnikov.com