Көҙ - муллыҡ айы, ти юҡҡа ғына әйтмәйҙәр. Баҡсаларҙан мул уңыштар йыйып, уларҙы баҙҙарға тултырып та өлгөрмәнек, уңған хужабикәләрҙең йәй буйына тәрбиәләп көткән ҡош-ҡорттары ла өлгөргән. Ошо көндәрҙә Ололар көнөн ҡаршылап, ололарҙы ололап, Хәйбулла районының Үрнәк ауылының уңған ҡатын-ҡыҙҙары ауылдаштары Ҡужина Зәкиә Йосоп ҡыҙына ҡош өмәһенә барып ҡыуандырған. Улар тиҙ арала Зәкиә инәй үҫтергән ҡош-ҡорттарын йолҡоп, таҙалап һәм йыйып биргән.
Көндәр бер аҙ һыуыта төшһә, ауылдарҙы йәмләп муллыҡ һәм байлыҡ өлгөһө булған Ҡаҙ өмәләре башланасаҡ. Ә һеҙ ҡош-ҡорттарығыҙҙы йолҡоп, таҙалай башланығыҙмы әле?
Фото: Хәйбулла районы башҡорттары Ҡоролтайы төркөмөнән.