Бөтә яңылыҡтар
Баҡса
22 Ноябрь , 17:45

Картуф ҡабығын ташламағыҙ!

Ул бына тигән ашлама була ала һәм уны айырыуса ҡарағат ярата. 

Картуф ҡабығын ташламағыҙ!
Картуф ҡабығын ташламағыҙ!

Картуф ҡабығын ташларға ашыҡмағыҙ. Ул бына тигән ашлама була ала.

Картуф ҡабығында крахмал күп. Ул емеш ағастарына айырыуса кәрәкле. Мәҫәлән, картуф ҡабығын ашлама булараҡ ҡулланып, ҡарағаттың емешен сейә тиклем итергә мөмкин.

Бының өсөн картуф ҡабығын ташламай йыйып барығыҙ. Уларҙы йылытыу батареяһы янында киптереп, туҡыманан эшләнгән тоҡ йәки сумкала һаҡлағыҙ.

Яҙ етеү менән ҡоро ҡабыҡты йомшартылған ергә таратып һалып күмегеҙ, мәҫәлән, шул уҡ ҡарағат ҡыуағы төптәренә. Йәки кипкән ҡабыҡ өҫтөнә ҡайнар һыу ҡойоғоҙ һәм һыуынғас, ҡарағат ҡыуағы өҫтөнә һибегеҙ.

Картуф ҡабығын кәбеҫтә менән ҡыяр ҙа ярата. Үҫентеләрҙе ултыртҡанда соҡорға аҙ ғына онталған ҡабыҡ һибеп ебәрһәгеҙ, гөрләп үҫеп, уңыш биреү өсөн тәбиғи ашлама булыр.   

Фото: adfarm.ru

Автор:Гөлдәр Яҡшығолова
Читайте нас в