"Уның рецептары менән беҙ ҙә ҡулланабыҙ"

“Быяла эсендә уңыш” конкурсы конкурсанттарыбыҙ араһында берҙән-бер көслө зат – Салауат ҡалаһынан Ғаяз Рәхимов. Ул Салауатнефтеоргсинтезда 43 йыл эшләй. Ҡалала йәшәһә лә ауылда ата-әсә нигеҙендә ауыл хужалығы менән шөғөлләнә. Ғаяз ағайҙы дуҫтары, туғандары бер ҡасан да тик ултырмаҫ, егәрле кеше итеп белә.

Үҙ ҡулдары менән сәсеп үҫтереп, яҡшы итеп тәрбиәләп мул уңыш ала. Һөҙөмтәлә бөтә ғаиләһен, балаларын, тоҙло йәшелсәләр, ҡайнатма, ҡаҡ һәм бөтә тәмле һәм файҙалы ризыҡтар менән һыйлай.

• Уңған баҡсасы, бик тәмле итеп төрлө юлдар менән банкаларҙа яба. Уның рецептары менән беҙҙә ҡулланабыҙ, – тип яҙҙы конкурсантты ҡеүәтләп Рәшиҙә Ғафарова.
• Мин ҡуш ҡуллап Рәхимов Ғаяз өсөн тауыш бирәм, һәр ҡатын-ҡыҙ был ир-ат эшләгән аҙыҡ-түлектәрҙе эшләй алмай! Йылы ваҡытта бөтә ихатаһы төрлө төҫтәр менән һуғарыла, ә тәҙрә төбөндә нисә бүлмә сәскәһе бар! Конкурста ҡатнашҡан берҙән-бер ир-егет, һис шикһеҙ, еңеүсе булырға тейеш, – тип яҙа Рафиға Вәхитова.

Конкурсантҡа тауыш биреү өсөн https://vk.com/gazetabashkortostan?w=wall-104965500_250088