Майҙың һыуығына ҡарамай, сирендәр сәскә ата!

Өфөнөң Ботаника баҡсаһында төрлө сорт сирендәр сәскә атты. Баҡса коллекцияһында сирендең 16 төрө һәм Рәсәй, шулай уҡ сит ил селекцияһындағы 250-нән ашыу сорты бар.

Наҙлы шәмәхә, аҡһыл, ҡуйы ҡыҙыл, алһыу, аҡ һәм күк сәскәләргә ҡарап һоҡланмау мөмкин түгел. Май айының һыуығына ҡарамай, сирендәр матурлығы менән һоҡландыра, тирә-яҡҡа хуш еҫ бөркөп сәскә ата.

“Өфөнөң ботаника баҡсаһы – ул ял итеү урыны ғына түгел, үҫемлектәр донъяһы тураһында ысын белем хазинаһы ла”, - ти баҡса етәкселеге.

Фотолар: “Уфе – 450!” телеграм-каналы.