Гармун тартып, йырлап ер һөргән заманда йәшәбеҙ

Бөтөн донъя ус төбөндә булған заманда йәшәйбеҙ - социаль селтәрҙе асһаң, ниндәй генә мәғлүмәт күрмәйһең. Ошо көндәрҙә гармун тартып, йырлап ер һөргән ағай тураһында видеояҙма таралды. 

Ысынлап та, ҡасандыр ата-бабаларыбыҙ ат егеп, һуҡа менән ер һөрһә, бөгөн гармун тартып, йырлап ер эшкәрткән заманда йәшәйбеҙ. Тик шуныһы эсте бошора: хеҙмәт шарттарын техника еңеләйтһә лә, ауылдарҙа буш торған, сәселмәгән картуф баҡсалары артҡандан-арта... Ә инде бөгөн дә ерҙән айырылмаған ер кешеһенә дан йырларға ғына ҡала!

Ә һеҙ был дәртле ағайҙы беләһеҙме, таныйһығыҙмы? Картуф сәстегеҙме?

Фото: скриншот.

Видеояҙма: ватсаптағы "Һаумыһығыҙ, ауылдаштар!" төркөмөнән алынды.