Ҡарбузды нисек дөрөҫ һайларға?

Әлеге ваҡытта магазиндар, урам буйындағы кибеттәр, баҙарҙар ҡарбуз менән тулған, төрлөһө бар – ҡыҙылы ла, һарыһы ла, емешлеһе лә, емешһеҙе лә.

Ошо мәлдә уның хаҡы барыбер күпкә осһоҙ, сифаты ла яҡшы, йәғни һутланып, шәкәрләнеп, ҡыҙарып торған сағы. Ә шулай ҙа уны ышаныслы, тикшерелгән урындарҙан ғына алырға кәңәш итәбеҙ.

МЕҢ ДӘ БЕР КӘҢӘШ

• Ҡарбузды төнгә ҡарай ашамағыҙ. Уның һейҙек ҡыуыу йоғонтоһонда йоҡоғоҙ боҙолоуы ихтимал.
• Уның йәшел ҡабығына еткәнсе ашамағыҙ, сөнки йәшел ҡатламында нитраттар йыйылыуы ихтимал.
• Уны ҡырҡыр алдынан яҡшы итеп йыуығыҙ, сөнки тышында тупраҡ, саң һәм бактериялар булыуы ихтимал.
• Теленгән ҡарбузды алмағыҙ, сөнки ҡабығын ҡырҡҡас, эсенә бактериялар тиҙ эләгә.
• Өлкән кешегә бер көндә 500 грамм ашарға мөмкин, яҡынса өс-дүрт телем.
• Өлгөргән тәмле ҡарбуздың ҡабығы ҡаты, сағыу һары йәки ҡыҙғылт-һары төҫтә, “ҡойроғо” кипкән була, һуҡҡанда яңғыраулы тауыш бирә.

ФАЙҘАҺЫ

Ҡарбуз составында В төркөмө витаминдары, аскорбин кислотаһы, тимер, магний, углевод, ликопин – атеросклероз һәм йөрәк ауырыуҙары үҫеше осраҡтарын кәметеүсе антиоксидант бар.

Ҡарбуз һыуһау һәм асығыу тойғоһон кәметә, эсәктәр эшмәкәрлеген яҡшырта, нервы, йөрәк-тамыр системаһына ыңғай йоғонто яһай.

Ҡарбузда гликемик индекс күрһәткесе юғары, шуға күрә шәкәр диабетынан яфаланған кешеләргә һаҡ булырға кәрәк, сөнки глюкозаның ҡапыл артыуы бар. Дөйөм алғанда, уны айырым түгел, ә тулы рационда ҡулланырға тәҡдим ителә.

Нәсих Хәлисов фотоһы.

Беҙҙең МАХ каналына яҙылығыҙ: https://max.ru/gazetabashkortostan