Бөтә яңылыҡтар
Башҡорт донъяһы
3 Апрель 2019, 15:31

“Башҡорт телем һин... ”

Бөгөлмә ҡалаһында эшләп килгән “Аҡ тирмә” башҡорт клубы 3-сө “Тамсыҡай” балалар баҡсаһында туған телгә арналған байрам кисәһе ойошторҙо.

Бөгөлмә ҡалаһында эшләп килгән “Аҡ тирмә” башҡорт клубы 3-сө “Тамсыҡай” балалар баҡсаһында туған телгә арналған байрам кисәһе ойошторҙо.
“Туған тел… Кеше тәү мәртәбә ошо телдә “әсәй”, “атай” һүҙҙәрен әйтә. Ошо тел ярҙамында үҙенең тирә-яғындағы төрлө төшөнсәләр, атамалар менән таныша, кешеләр менән аңлаша. Халыҡтың теле – уның тормошоноң иң матур, мәңге шиңмәй, мәңге һулымай торған сәскәһе ул. Телдә бөтә халыҡ сағыла”, – тигән һүҙҙәр менән башланды байрам кисәһе.
Сарала Рәми Ғарипов ижад иткән “Туған тел” шиғыры, “Урал батыр” эпосы яңғы­раны. Балалар баҡсаһында тәрбиәләнгән балалар төрлө милләт телдәрендә тасуири итеп шиғыр һөйләне, табышмаҡҡа дөрөҫ яуап бирҙе, мәҡәл тыңланы. Артабан “Йөҙөк һалыш”, “Тирмә”, “Осто, осто”, “Исемен әйт!” уйындарында бик теләп ҡат­наштылар. Туған телдәргә арналған байрам донъя халыҡтары телдәрендә баҫылып сыҡҡан китаптарға байҡау яһау менән тамамланды.
Татарстан, Бөгөлмә ҡалаһы.
Читайте нас в