Ҡайһы батыр таһылыраҡ?

Ун бер көн эсендә “Полководецтарҙың ҡайһыһы иң оҫтаһы” тигән һорауға 159 кеше яуап бирҙе, улар араһында башҡорттар ғына түгел, ҡаҙаҡтар, ҡалмыҡтар һәм башҡа милләт вәкилдәре лә бар. Бер ҡараһаң, был һорау урынһыҙ ҙа кеүек, сөнки һәр батыр үҙенең ниндәй ҙә булһа сифаты менән айырылып торған. Шул уҡ ваҡытта ошондай саралар менән йәштәр үҙҙәренең тиҫтерҙәре, йәш быуын араһында башҡорт батырҙарының данын тарата, халыҡҡа, замандаштарына еткерә. Ә XVIII быуат батырҙарға бай бит инде, үҙегеҙ белеүегеҙсә: Салауат Юлаев, Төлкөсура Алдағолов, Алдар Иҫәкәев, Ҡаранай Моратов, Күсем Түлекәев, Ҡасҡын Һамаров, Кинйә Арыҫланов, Килмәк Нурышев, Йосоп Арыҡов, Мандар Ҡарабаев...

Мин, әлбиттә, Салауат батыр өсөн тауыш бирҙем. Һөҙөмтәләргә күҙ һалырға тәҡдим итәм: 60 процент халыҡ Салауат Юлаевҡа, 7, 5 – Төлкөсура Алдағоловҡа, 8, 75 – Алдар Иҫәкәевкә, 1, 25 – Ҡаранай Моратовҡа, 1, 88 – Күсем Түлекәевҡа, шулай уҡ Ҡасҡын Һамаровҡа, Мандар Ҡарабаевҡа, Килмәк Нурышевҡа, 9, 38 – Кинйә Арыҫлановҡа, 5, 63 Йосоп Арыҡовҡа тауыш биргән.

Фото: “Башҡортостан” гәзите архивынан.