-2 °С
Болотло
Бөтә яңылыҡтар
Башҡорт донъяһы
27 Сентябрь 2019, 18:20
“Башҡорт телендә һөйләшәм!”
Балалар "Шайморатов генерал", "Әсмәбикә" кеүек йырҙарҙы, "Беләҙегем-йөҙөгөм" бейеүен башҡарҙы. Заһир Исмәғилев исемендәге Өфө дәүләт сәнғәт институтының өлкән уҡытыусыһы Венер Йылҡыбаев бер нисә көн эсендә балаларҙы ҡурайҙа уйнарға өйрәткән. Улар "Сыңрау торна" көйө менән ҡыуандырҙы.
Автор фотолары
Һарытау өлкәһендәге Перелюб районының Күсембәт һәм Калинин ауылы балалары Башҡортостандың атҡаҙанған артисы Сәйҙә Ильясованың ҡул аҫтында йөкмәткеле, сағыу концерт тамашаһы әҙерләгән.
Балалар "Шайморатов генерал", "Әсмәбикә" кеүек йырҙарҙы, "Беләҙегем-йөҙөгөм" бейеүен башҡарҙы. Заһир Исмәғилев исемендәге Өфө дәүләт сәнғәт институтының өлкән уҡытыусыһы Венер Йылҡыбаев бер нисә көн эсендә балаларҙы ҡурайҙа уйнарға өйрәткән. Улар "Сыңрау торна" көйө менән ҡыуандырҙы.
Быларҙың барыһы ла – башҡорт сәнғәт әһелдәренең 24 сентябрҙән алып Һарытау өлкәһендәге мәктәптәрҙә оҫталыҡ дәрестәре үткәреү һөҙөмтәләре. Тамаша һуңында уҡыусыларҙың "Башҡорт телендә һөйләшәм" йырын ихлас башҡарыуҙары, күҙҙәрендә баҙлаған осҡондар был хеҙмәттең бушҡа китмәүен һөйләй.
Новости партнеров