Башҡорт теленә нисек ярҙам итергә?

Өфөлә әлеге мәлдәрҙә "Башҡорт теле һәм әҙәбиәте глобалләшеү һәм полиэтник мөхит шарттарында: тәжрибә һәм перспективалар" тип аталған халыҡ-ара фәнни-ғәмәли конференция үҙ эшен башланы.

Унда Башҡортостан Башлығы Хакимиәте, Рәсәй Федерацияһының Фән һәм юғары белем министрлығы, Башҡортостан Хөкүмәте, Рәсәй Фәндәр академияһы, уның тарих-филология бүлеге, Өфө федераль тикшеренеү үҙәге, Башҡортостандың Мәғариф министрлығы, "Арҡаҙаш" фәнде һәм мәҙәниәтте үҫтереү төбәк йәмәғәт ойошмаһы, Почет билдәһе орденлы Тарих, тел һәм әҙәбиәт институты ойошторған сарала сит ил, Рәсәй төбәктәре ғалимдары, Башҡортостандың тел белгестәре ҡатнаша.