“Хазина” республика онлайн-конкурсы саҡыра!

Ул түбәндәге йүнәлештәр буйынса үткәрелә:

1. “Башҡорт милли кейемендәге ҡурсаҡ” видеояҙмаһы. Унда 1-11-се класс уҡыусылары ҡатнаша ала.

2. “Башҡорт милли биҙәүестәре” темаһына оҫталыҡ дәресе” буйынса видеороликтар (һаҡал, селтәр, хәситә, ҡашмау, ҡәмәр, маңлайса, сәсмәү һәм башҡа биҙәүестәр эшләү). Был конкурста педагогтар ҡатнаша.

3. “Минең ырыуымдың башҡорт милли кейеменең үҙенсәлектәре” тигән тикшереү эштәре. Айырым бер ырыуҙың милли кейемдәрен, биҙәүестәрен өйрәнеү, үҙенсәлектәрен билдәләү. Был йүнәлештәге бәйге 1-11-се класс уҡыусылары араһында үткәрелә.

Конкурс эштәре башҡорт, рус, инглиз телдәрендә ҡабул ителә. Еңеүселәрҙе билдәләү һәм бүләкләү 10-15 май арауығында ойошторола. Конкурсҡа ғаризалар һәм ижади эштәр 2021 йылдың 30 апреленә тиклем ойоштороу комитетының электрон почтаһына: hazina2020@inbox.ru ҡабул ителә. Хатығыҙҙа ниндәй номинацияла ҡатнашыуығыҙҙы күрһәтеү мотлаҡ.

Бәйләнеш өсөн телефон: 89373189685 – Юлдашбаева Лилиә Азамат ҡыҙы (эш сәғәттәрендә шылтыратырға).

Фото: vk.com/bash_fond