Бәләбәй ҡалаһындағы башҡорт гимназия-интернаты йылдан-йыл үҫеш кисерә, һәр саҡ алдынғы. Балалар - уҡыуҙа, педагогтар хеҙмәттә һынатмай, барыһы ла йәмәғәт эштәрендә әүҙем.
Әле гимназияла 809 уҡыусы белем ала. Мәғариф учреждениеһы директоры Дилбәр Фәтхетдинова йәш быуынды милли гәзит-журналһыҙ тәрбиәләү мөмкин түгеллеген билдәләй.
"Матбуғат баҫмаларына яҙылыуҙан ситтә ҡалғаныбыҙ юҡ, – ти ул. – Әлеге ун көнлөктә беҙ, гимназия-интернат уҡытыусылары, барыбыҙ ҙа “Башҡортостан” гәзитенә яҙылдыҡ. Заман башҡа - заң башҡа, тиһәләр ҙә, гәзиттән уҡып алған мәғлүмәтте, бүтән төрлө яңылыҡты бер нәмә лә алмаштыра алмай".
Фото: Азамат Аҙнабаев.