Тамъяндар оло йыйынға йыйылды

Бөгөн Миәкә ере Тамъян ырыуы вәкилдәрен йыйҙы. Был көтөп алынған йыйынға республикабыҙҙың Белорет, Әбйәлил, Көйөргәҙе, Мәләүез, Шаран, Туймазы, Саҡмағош, Миәкә райондарынан делегаттар килде.

Район мәҙәниәт йортонда бай йөкмәткеле күргәҙмә ойошторолған. Унда ҡунаҡтар Тамъян ырыуы башҡорттарының тарихы, ғөрөф-ғәҙәттәре, йолалары менән танышты. Сарала Миәкә районында йәшәгән тамъяндарҙың бик күп шәжәрәләре менән дә танышырға мөмкин.

Йыйын Тамъян ырыуы аҡһаҡалы Мөхәмәт Түлебаев башҡарыуында "Урал" көйө менән башланып китте. Делегаттарҙы Миәкә районы хакимиәте башлығы Ришат Аҡтуғанов тәбрикләне.

Йыйын эшендә Бөтә донъя башҡорттары ҡоролтайы башҡарма комитеты рәйесе Юлдаш Йосопов һәм башҡа ҡунаҡтар ҡатнаша.

Автор фотолары.