Баяс батыр иҫтәлегенә

12 февралдә Түбәнге Яйыҡбай ауылында Баяс батыр иҫтәлегенә арналған йәйәнән уҡ атыу турниры ойошторолған. Был ярыш өсөнсө йыл рәттән башҡорт батырҙарын иҫкә алыу һәм данлау маҡсатында үткәрелә. Матур тәбиғәтле Ҡыҙыл Яр буйында Баймаҡ районы уҡсылары мәргәнлектә көс һынашырға йыйылған. Турнирҙың ҡағиҙәләре буйынса алты этап булды: мәргән, тиҙ атыш, тере һыу, аждаһа, һыбай һәм бүрәнә.
Ярыш бик дәртле, матур һәм күтәренке кәйефтә үткән. Көндөң ҡояшлы матур булыуы ла уҡсыларға юғары һөҙөмтәләр күрһәтеүгә булышлыҡ иткән.
Ҡар өҫтөндә ҡаҙан ҡуйып, самауыр ҡайнатып эҫе сәйҙәр эсеп таралышҡан халыҡ.

Яҙма һәм фотолар: vk.com/public204368244