Матурлыҡҡа ғашиҡ улар

Һәр көндән, һәр миҙгелдән йәм табып йәшәгән кешеләр һоҡландыра. Йылайыр районының Йомағужа ауылында ғүмер итеүсе Әлмирә һәм Рит Ҡолһариндар ҙа шулар иҫәбенән.

Ҡолһариндар ғаиләһе йыр-моңға ғашиҡ. Ғаилә башлығы мандолина, ҡумыҙ, гармунда уйнаһа, уңған хужабикә матур итеп йырлай. Бөгөнгө көндә улар дүрт бала ата-әсәһе, алты ейән-ейәнсәргә яратҡан ҡартатай-өләсәй. Балалары ҡунаҡҡа килгәндә ихаталарын йәмләп торһон өсөн фонтан да эшләп ҡуйғандар.

Фото һәм ғаилә архивынан.