Башҡортостан Башлығы М. Аҡмулла һәйкәленә сәскә һалды

Башҡорт теле көнө Башҡортостан Башлығы Радий Хәбировтың 2019 йылдағы указына ярашлы билдәләнә. Байрам XIX быуаттың күренекле башҡорт шағир-мәғрифәтсеһе Мифтахетдин Акмулланың тыуған көнөнә арнап иғлан ителде. Был көндә республиканың бар район-ҡалаларында мәғрифәти, мәҙәни-ял саралары үткәрелә.

Башҡорт теле көнөндә республика Башлығы “Һомай” атамаһы бирелгән “аҡыллы колонка" тураһында һөйләне. Проект – Башҡортостан халыҡтарының телдәрен һаҡлау һәм үҫтереү буйынса йыл һайын уҙғарылған грант конкурсы еңеүселәренең береһе. “Һомай” рус һәм башҡорт телдәрендә аралаша ала.

– Туған телде һәм мәҙәниәтте өйрәнергә, унан бигерәк, яратырға мәжбүр итеү мөмкин түгеллегенә иманым камил. Уның ҡарауы, иң заманса ысулдарҙы һәм технологияларҙы ҡулланып, уҡыу процесын ҡыҙыҡлы, мауыҡтырғыс итергә була, – тип билдәләне Радий Хәбиров. – Бөгөн Башҡортостанда Башҡорт теле көнөн билдәләйбеҙ. Башҡортса һөйләшкән, телде өйрәнгән һәм башҡаларға өйрәткән һәммәһен байрам менән ҡотлайым!

Сығанаҡ: glavarb.ru