Астанала Баймаҡ уҡсыһы икенсе урын яуланы!

Бөтә донъя күсмә халыҡтар уйындарында яҡташыбыҙ көмөш миҙал яулаған. Республиканың Спорт министрлығы хәбәр итеүенсә, Астанала Баймаҡ уҡсыһы Ғәфүр Рахманғолов икенсе урынға лайыҡ булған. Ул «традицион уҡтан атыу» дисциплинаһында еңеп сыҡҡан.

Хәтерегеҙгә төшөрәбеҙ, кисә Башҡортостан спортсылары «ҡаҙаҡ көрәше»ндә ике миҙал алды. Рәсәй йыйылма командаһының йәмғеһе утыҙ ете миҙалы бар, ун дүртен Башҡортостан спортсылары яуланы. 8 сентябрҙә Астанала Бөтә донъя күсмә халыҡтар уйындары башланды. Ярыштар 13 сентябрҙә тамамлана. Турнирҙа илебеҙҙән 209 спортсы ҡатнаша. Башҡортостан делегацияһы һан яғынан икенсе урында, уның составында 26 спортсы иҫәпләнә.

Афарин, Баймаҡ уғатар батыры!

Фото: телеграм