Хәйбуллала иң яҡшы мәргәндәр йыйылды

Ошо көндәрҙә Хәйбулла районы үҙәге Аҡъярҙа махсус хәрби операция геройҙарына арналған яндан уҡ атыу буйынса район-ара турнир үтте. Сарала Хәйбулла, Әбйәлил, Ауырғазы, Баймаҡ, Бөрйән, Ейәнсура, Учалы райондарынан һәм Баймаҡ, Сибай, Мәләүез ҡалаларынан 50-нән ашыу мәргәнсе ҡатнашты.

Уҡ атып мәргәнлектә һынашыу – беҙҙең башҡорт халҡында борондан ҡалған йола. Беҙҙең районда ла был шөғөлдөң тергеҙелеүе һәм үҫеүе шатландыра. Милли йәйәнән уҡ атыу ярыштарының йыш үткәрелә башлауы ла ҡыуаныслы. 50-нән ашыу ҡатнашыусылар араһында халыҡ-ара һәм республика ярыштары еңеүселәре лә үҙ таһыллыҡтарын һәм мәргәндәрен йәнә бер ҡат һынап ҡараны.

Ярышта иң мәргәндәр асыҡланды. Бына улар:

55 йәштән өлкәнерәк ҡатын-ҡыҙҙар араһында:

1-се урын - Миләүшә Хәлилова (Әбйәлил районы);

2-се урын - Нилә Исламова (Учалы ҡалаһы);

3-сө урын - Мәрйәм Хәйҙәрова (Хәйбулла районы).

55 йәштән өлкәнерәк ир-уҙамандар араһында:

1-се урын - Вәхит Ғәлин (Баймаҡ ҡалаһы);

2-се урын - Хөрмәт Баһауетдинов (Сибай ҡалаһы);

3-сө урын - Рәмил Ишмөхәмәтов (Хәйбулла районы).

Профи категорияһында ҡатын-ҡыҙҙар араһында:

1-се урын - Әлиә Ишморатова (Бөрйән районы);

2-се урын - Нәйлә Ишкилдина (Бөрйән районы);

3-сө урын - Гөлшат Әлимханова (Баймаҡ районы).

Профи категорияһында ир-егеттәр араһында:

1-се урын - Батырхан Ғайсин (Ауырғазы районы);

2-се урын - Азат Фәйзуллин (Баймаҡ районы);

3-сө урын - Ғирфан Мәмбәтов (Хәйбулла районы).

Бөтә еңеүселәр дипломдар, миҙалдар һәм ҡиммәтле бүләктәр менән бүләкләнде.

Фото һәм автор : Раян Атанбаев

Сығанаҡ: "Хәйбулла хәбәрҙәре"