Бөтә яңылыҡтар
Белем һәм тәрбиә
17 Апрель 2018, 17:37

Башҡортса диктант яҙабыҙ

Яҡшы йолаға әүерелгән башҡорт теле буйынса төбәк диктанты 21 апрелдә ойошторола. Сара иртәнге сәғәт 10-да башлана.

Яҡшы йолаға әүерелгән башҡорт теле буйынса төбәк диктанты 21 апрелдә ойошторола. Сара иртәнге сәғәт 10-да башлана.
Башҡорт дәүләт университетынан хәбәр итеүҙәренсә, быйыл Мәрйәм Бураҡаеваның “Арғымаҡ” әҫәренән өҙөк фай­ҙаланырға ҡарар ителде. Тексты Мәжит Ғафури исемендәге Башҡорт дәүләт академия драма театрының художество етәксеһе, Рәсәйҙең атҡаҙан­ған, Башҡортостандың халыҡ артисы, Рәсәй Феде­рация­һының Дәүләт премияһы һәм Баш­ҡортос­тандың Салауат Юлаев исемен­дәге дәүләт премияһы лауреаты Олег Ханов уҡыясаҡ.
— Текст ҙур түгел. Әле Олег Закир улы менән репетиция яһай­быҙ. Артабан республика ҡала­ларына, райондарына, Рәсәй төбәктәренә ебәреү өсөн видео­яҙма әҙерләнәсәк. Ул Төбәк диктанты үткәрелгәндә тапшыры­ласаҡ, — тине БДУ кафедраһы мөдире Гөлфирә Абдуллина.
Акция үткәреләсәк урындар:
БДУ-ның төп уҡыу корпусы (Зәки Вәлиди урамы, 32, 01, 02-се аудиториялар);
БДУ-ның Хоҡуҡ институты (Достоевский урамы, 131);
Тарих һәм дәүләт идараһы институты (Карл Маркс урамы, 3/4);
БДУ филиалдары, Өфөләге һәм башҡа ҡала, район­дар­ҙағы, шулай уҡ күрше төбәк­тәрҙәге урта, урта махсус һәм юғары белем биреү учреждениелары.