Таҙларҙа – балалар баҡсаһы

“Башҡортостандың 100 йыллы­ғына – 100 объект” проектында Ейәнсура районының Таҙлар ауы­лындағы балалар баҡсаһы ла бар.

Белем усағын Баймаҡ ҡалаһындағы “СМК-Б” яуаплылығы сикләнгән йәмғиәте һәм Күсмә механизацияланған колонна төҙөй. Бер ҡатлы балалар баҡсаһының майҙаны – 1 280 квадрат метр, ул 60 урынға иҫәпләнгән. Ейәнсура районы хакимиәте баш­лығы Дәмин Юланов һөйләүенсә, уның эргәһендә балалар һәм спорт майҙан­сыҡтары буласаҡ, тиҙҙән кескәйҙәр заманса уңайлыҡтары булған балалар баҡсаһына йөрөй башлаясаҡ.