“Ракета” ҡанат ҡуя

Стәрлетамаҡ ҡалаһының “Әсә һәм бала” инклюзив үҙәгендә тәрбиәләнеүселәр II Бөтә Рәсәй фестиваленең “Ракета” балалар һәм үҫмерҙәр ижады конкурсында ҙур уңышҡа өлгәште. Сара Өфөләге “Феникс” халыҡ-ара фестиваль үҙәгендә үтте.

Ярыш шарттары ҡәтғи булды. Номинацияларҙа ҡатнашыуға 200-ҙән ашыу ғариза бирелде. Кескәйҙәр хореография, вокал, мода, нәфис һүҙ, цирк, театр сәнғәте буйынса һәләттәрен күрһәтте, “Әсә һәм бала” үҙәгенең “Аррива” мюзиклы студияһы тәрбиәләнеү­селәре, нәфис һүҙ оҫталары Валерия Кәримова һәм Сафина Туҡтарова, йырсы Аделина Латипова тамашасылар һөйөүен яулап, үҙҙәренең номинацияһында лауреат булды.

Сәләмәтлеге буйынса мөмкинлектәре сикләнгән инклюзив үҙәк балаларының еңеүселәр рәтендә булыуы – икеләтә шатлыҡ.