Минең ҡартатайым – герой!

Ошоно иҫәптә тотоп, патриотик саралар мәктәптәрҙә генә түгел, балалар баҡсаларында ла ойошторола. Мәҫәлән, баш ҡаланың Совет районында урынлашҡан 240-се балалар баҡсаһында ла бөгөн “Үлемһеҙ полк” акцияһы булды. Ясле йәшендәгеләрҙән алып сығарылыш төркөмдәренә тиклемге сабыйҙар ҡартаталары фотоларын алып килеп, патриотик көй аҫтында марш менән үтте.

– Әсәйемдең олатаһы, минең ҡартатайым һуғыштан еңеү алып ҡайтҡан. Ул үҙе күптән иҫән булмаһа ла, өйҙә уның миҙалдары һаҡлана. Ул – герой! – ти тәрбиәләнеүселәрҙең береһе Тимур.

Балаларҙың күбеһе хәрби кейемдә, баштарында – пилоткалар, түштәренә Георгий таҫмалары таҡҡан. Улар был байрамдың мәғәнәһен һәм әһәмиәтен яҡшы белә, ҡарт олатайҙары һәм өләсәйҙәре менән хаҡлы ғорурлана. Тәрбиәселәр иһә дәрестәрҙә һуғыш һәм Еңеүҙең әһәмиәте тураһында аңлата.

Фото: 240-сы балалар баҡсаһынан.