Төп таяуыбыҙ – тел

“Башҡорт теле” секцияһында һүҙ ошо хаҡта барҙы, туған телебеҙ нигеҙендә барлыҡҡа килгән әҙәбиәттең, мәҙәниәттең һәм башҡа рухи ҡиммәттәребеҙҙең үткәненә, бөгөнгөһөнә байҡау яһалды, киләсәгенә күҙ ташланды.

Секцияны Дәүләт Йыйылышы – Ҡоролтай депутаты, Башҡорт ҡатын-ҡыҙҙары йәмғиәте рәйесе, филология фәндәре докторы Гөлнур Ҡолһарина асты. Артабан ғалимдар, тел белгестәре, йәмәғәт ойошмалары вәкилдәре, уҡытыусылар һ.б. һүҙ алды. Сығыштарҙа башҡорт теленең бөгөнгө ҡулланылыш мәсьәләһенә айырыуса ҙур иғтибар бүленде.