+15 °С
Облачно
Белем һәм тәрбиә
18 Сентября 2019, 09:40
“Әсәй, минең уҡығым килмәй...”
Дөйөм Рәсәй халыҡ фронты үткәргән һорау алыуҙарҙан күренеүенсә, былтырғы йыл менән сағыштырғанда мәктәптә уҡыуҙы оҡшатҡан балалар нисбәте 35 проценттан 28-гә төшкән. Шулай ҙа, элекке йылдарҙағыса, уҡыусыларҙың 48 проценты белем алырға теләп йөрөй.
Дөйөм Рәсәй халыҡ фронты үткәргән һорау алыуҙарҙан күренеүенсә, былтырғы йыл менән сағыштырғанда мәктәптә уҡыуҙы оҡшатҡан балалар нисбәте 35 проценттан 28-гә төшкән. Шулай ҙа, элекке йылдарҙағыса, уҡыусыларҙың 48 проценты белем алырға теләп йөрөй.
Өйгә эштәрҙе башҡарыуға һәм яратҡан шөғөл менән булышыуға ваҡыт етмәй тип һанаған уҡыусылар киреһенсә күбәйгән (58 проценттан 65-кәсә). “Мәктәптә уҡыу бөтөнләй оҡшамай” тигән балалар нисбәте – биш, “уҡыуҙы бөгөндән ташларға теләүселәр” – ике процент.
Мәктәп уҡыусылары бөгөнгө мәғариф системаһында нимәләр оҡшамауын да әйткән. Башланғыс һәм урта кластағылар дәрестәрҙең алтауҙан артмауын, өйгә эштәрҙең артыҡ күп булмауын теләһә, IX-XI класс уҡыусылары Төп һәм Берҙәм дәүләт имтихандарына әҙерләнергә ваҡыт етмәүен, кәрәкмәгән, йәғни артыҡ дәрестәрҙең күп булыуын белдергән.
