+19 °С
Облачно
Белем һәм тәрбиә
6 Октября 2019, 05:15
"Һоҡланғыс спектакль. Йәштәр шул тиклем бирелеп уйнай"
Башҡортостан Башлығы Радий Хәбиров "Ҡорос" халыҡ театры студенттары уйнаған "Тиле йәшлек" спектаклен ҡараны.
Фотолар БДПУ сайтынан.
Уҡытыусылар көнө алдынан Башҡортостан Башлығы Радий Хәбиров М. Аҡмулла исемендәге Башҡорт дәүләт педагогия университетында дәүләт наградалары алған уҡытыусылар менән бергә "Ҡорос" халыҡ театры студенттары уйнаған И. Абдуллиндың "Тиле йәшлек" спектаклен ҡараны.
Был сәхнә әҫәре хаҡында баҫмабыҙҙа байтаҡ яҙҙыҡ. Режиссер Илнур Лоҡманов ҡуйған спектакль "Театрлы Волга буйы" фестивалендә лә еңеү яулағайны. Радий Хәбиров йәштәрҙең уйынын юғары баһалап, былай тине:
“Беҙҙә әле бер-бер артлы ижади еңеүҙәр килә."Беренсе Республика"нан башлап ебәргәйнек. Шунан, әлбиттә, "Һеңлекәш" фильмы: ул шундай аншлаг менән республика, ил буйлап бара. Хәҙер бына был һоҡланғыс спектакль. Ул, әлбиттә, һәүәҫкәр ижад, әммә бик яҡшы ҡуйылған, һәм йәштәр ҙә шундай бирелеп уйнай, хатта номинант исемлегенә ингәндәр”.
Афарин, “Ҡорос”тар!