+21 °С
Облачно
Белем һәм тәрбиә
24 Июня 2021, 08:30
Оҙаҡламай 131 яңы һөнәр барлыҡҡа киләсәк. Кем өлгөрөр?
Үҫмерҙәр һәм йәштәргә һөнәр һайлау системаһын камиллаштырыу өсөн “Башҡортостан Республикаһының киләсәк командаһы” порталы заман талаптарына ярашлы яңыртылды.
Үҫмерҙәр һәм йәштәргә һөнәр һайлау системаһын камиллаштырыу өсөн “Башҡортостан Республикаһының киләсәк командаһы” порталы заман талаптарына ярашлы яңыртылды.
Бында шулай уҡ Башҡортостан Республикаһының һөнәрҙәр атласы менән дә танышырға мөмкин. Был – республиканың иң ҙур эш биреүселәренең, бәләкәй һәм урта эшҡыуарлыҡ вәкилдәренең, юғары һәм урта профессиональ белем биреү ойошмаларының, башҡарма власть органдары һәм эксперт йәмғиәттәренең хеҙмәте һөҙөмтәһе.
Атлас республика халҡына, айырыуса – йәштәргә, тыуған төбәгендәге күп һанлы һөнәри траекторияларҙы баһалау форсаты бирә. Бында яҡындағы 10-15 йылда барлыҡҡа киләсәк 131 яңы һөнәр менән дә танышырға була. Ғаилә, хеҙмәт һәм халыҡты социаль яҡлау министрлығының матбуғат хеҙмәте хәбәр итеүенсә, профессиональ йүнәлеш буйынса барлыҡ субъекттар ҙа – власть органдарынан алып дөйөм белем биреү мәктәптәренә саҡлы – балалар 6-сы кластан уҡ үҫеш траекторияһын билдәләү буйынса шөғөлләнә башлаһын тигән маҡсат ҡуя. “Киләсәк командаһы” яңыртылған порталы баланың һәләте булған һөнәрҙе билдәләргә һәм артабан ҡайҙа уҡырға, ҡайҙа эшләргә икәнен аныҡларға ярҙам итә.
Фото: yandex.ru.
