+21 °С
Болотло
Белем һәм тәрбиә
2 Июль 2021, 05:00
“Хыялға этәргес – һин үҙең!”
Өс еңеүсе “Таврида” форумының “Тәмле джаз” белем биреү сараһында ҡатнаша.
Йәштәр эштәре буйынса федераль агентлыҡ (Росмолодежь), Рәсәй Президенты Владимир Путиндың май указы менән раҫланған “Мәғариф” милли проектының “Социаль әүҙемлек” федераль проектына ярашлы, Бөтә донъя наркоманияға ҡаршы көрәш көнөнә арналған “Хыялға этәргес – һин үҙең!” бөтә Рәсәй акцияһын башланы.
Акция сиктәрендә 3 июлгә тиклем социаль селтәрҙә йәштәр йәшәүгә этәргес биргән күренештәре, ҡайҙан көс алыуҙары, ниңә наркотиктарға ҡаршы булыу тураһында постар, ҡыҫҡа видеояҙмалар урынлаштыра ала. Уларға #Стимулмоеймечты, #Противнаркотиков хештегтарын өҫтәргә кәрәк.
Әйткәндәй, шулай уҡ наркотиктарға ҡаршы йүнәлтелгән ижади конкурс уҙғарыла. Унда ҡатнашырға теләгәндәргә наркотиктар ҡулланыуға ыңғай альтернативаны тәшкил иткән видеояҙма төшөрөп, социаль селтәргә һалырға һәм “Рәсәй йәштәре” автоматлаштырылған мәғлүмәт системаһы аша ғариза бирергә кәрәк. Өс еңеүсе “Фото- һәм видеоконтенттың арт-мәктәбе” йүнәлеше буйынса “Таврида” форумының “Тәмле джаз” белем биреү сараһында ҡатнаша.
