Егор Крид сығыш яһаясаҡ

“Йәш һөнәрмәндәр” (WorldSkills Russia) IX милли чемпионаты финалы Өфө ҡалаһында 25 августа башлана.

Өфө ҡалаһының Рубеж урамындағы “Йәш һөнәрмәндәр” паркында сәмле ярыштар буласаҡ, бынан тыш, бәйгелә ҡатнашыусылар һәм ҡунаҡтар өсөн мәҙәни программа ла ҡаралған. 25 август киске сәғәт 8-ҙә “Ватан” паркында чемпионатты тантаналы шарттарҙа асыу ойоштороласаҡ. Сараның хедлайнеры – талантлы йырсы Егор Крид. Шулай уҡ һәр кем байрам салютын ҡарай аласаҡ. Ярышта ҡатнашыусылар амфитеатрҙағы айырым зоналағы сәхнәлә йыйыласаҡ. Әйткәндәй, коронавирус менән бәйле, милли беренселектә ҡатнашыусылар ҡунаҡтар менән бергә түгел, ә айырым буласаҡ.

Яҡтыртылған меңәрләгән дрондар 10 метрҙан алып 300 метр бейеклектә осоп йөрөйәсәк.

Әйткәндәй, 26 август билдәле йырсы Земфира Рамаҙанованың тыуған көнө. Шул уңайҙан “Ватан” паркында интерактив трибьют-шоу күрһәтеләсәк. Ә 27 августа Мәжит Ғафури исемендәге Башҡорт дәүләт академия драма театры артистары “Салауат тоҡомдары сигенеүҙе белмәй!” тигән спектакль күрһәтәсәк. 28 августа иһә чемпионат ҡанаҡтары “Кино төнө” тигән Бөтә Рәсәй акцияһында ҡатнаша аласаҡ.

“Йәш һөнәрмәндәр” (WorldSkills Russia) IX милли чемпионаты финалы 29 август тамамлана, ул көн ярышта еңгәндәрҙе ҡотлаясаҡтар.

Фото: Башҡортостан Хөкүмәте.

#WorldSkillsRussia #Нацфинал2021 #НацфиналУфа