Класс етәкселәре, һеҙҙең өсөн!

Башҡортостан уҡытыусыларын II Бөтә Рәсәй класс етәкселәре форумында ҡатнашырға саҡыралар. Унда мәктәптә эш тәжрибәһенә эйә булған, йәғни класс етәксеһе бурысын атҡарған һәр педагог ҡатнаша ала.

Һайлап алыу өс этапта үтә:

- педагогика нигеҙҙәре буйынса онлайн тест үтеү;

- онлайн тәртибендә класс етәкселеге буйынса ғәмәли күнекмәләр;

- ҡатнашыусының форумға барыу маҡсатын нигеҙләгән видеовизитка.

Ошо маҡсатта “Бәйләнештә” селтәрендә махсус мини-ҡушымта булдырылған: vk.com/app8088836. Анкетаны тултырып, ҡатнашыусы булараҡ теркәлеү үтергә кәрәк, артабан vk.com/vfkr_ru төркөмөндә яңылыҡтарҙы ҡарап барығыҙ.

Был форумдың ниндәй маҡсатта уҙғарылыуы, ҡатнашыусыларға нимә биреүе тураһында I Бөтә Рәсәй класс етәкселәре форумында ҡатнашыусы – Өфө ҡалаһының 95-се белем биреү үҙәге директорының уҡытыу-тәрбиә эштәре буйынса урынбаҫары Федан Ғафаров һөйләй.

Тулыраҡ – “Бәйләнештә"ге видеояҙмала.

Бындай саралар ил Президенты В.В. Путиндың май указдары тарафынан раҫланған “Мәғариф” милли проекты (национальный проект “Образование”) ҡуйған бурыстарҙы тормошҡа ашырыуға ла булышлыҡ итә.

Фото: ugra-tv.ru