Башҡортостан
-15 °С
Болотло
VKOKРУС
Бөтә яңылыҡтар
Белем һәм тәрбиә
22 Апрель , 14:30

Балалар "Йондоҙҙар парады"нда балҡыны

Матур традицияға әйләнгән сарала йыл дауамында төрлө йүнәлештәрҙә алдынғы булған, ҙур уңыштарға өлгәшкән уҡыусылар тәбрикләнде.

Балалар "Йондоҙҙар парады"нда балҡыны
Балалар "Йондоҙҙар парады"нда балҡыны

Кисә Баймаҡ ҡалаһының халыҡ ижады үҙәгендә ысын мәғәнәһендә йондоҙҙар парады үтте, тик "йондоҙҙар" күктән түгел, ә сәхнәнән балҡыны. Был хаҡта район хакимиәте башлығы Фәнис Әминев үҙенең "Бәйләнештә"ге сәхифәһендә яҙҙы.

"Халыҡ ижады үҙәгендә бөгөн 300-ҙән ашыу бала һәм 120 уҡытыусы тәбрикләнде. Балалар Бөтә Рәсәй олимпиадаһының төбәк этабында, башҡорт теле буйынса төбәк-ара олимпиадаһында, Башҡортостан тарихы һәм мәҙәниәте буйынса республика олимпиадаһында, шулай уҡ төрлө Бөтә Рәсәй, төбәк-ара, республика ижади конкурстарында, фәнни-ғәмәли конференцияларҙа, спорт ярыштарында еңеүселәр һәм призёрҙар булған. Наградалар үҙ геройҙарҙын тапты, мәктәпкә дан килтергән балаларҙың исемдәре яңғыраны, педагог-тәрбиәселәрҙең индергән өлөшө билдәләнде.

Һеҙ - беҙҙең киләсәк. Һеҙҙең ҡаҙаныштарығыҙ һәм уңыштарығыҙ - тәү сиратта маҡсатҡа ынтылышҡа һәм ныҡышмалылыҡҡа ҡабатланған хеҙмәтегеҙ һәм талантығыҙ емештәре. Шундай уҡыусыларыбыҙ булыуы менән ғорурланабыҙ. Өлгәшелгәндәрҙә туҡталып ҡалмағыҙ. Уңыштар һеҙгә!" - тигән ул.

Фото: Баймаҡ район мәғариф бүлеге сайтынан.

Балалар "Йондоҙҙар парады"нда балҡыны
Балалар "Йондоҙҙар парады"нда балҡыны
Балалар "Йондоҙҙар парады"нда балҡыны
Автор:Карима Усманова
Читайте нас в