Хәйбулла уҡыусыһы беренсе урын яуланы!

Мәскәү өлкәһе Королев ҡалаһының Юрий Гагарин исемендәге космонавтар әҙерләү үҙәгендә йәштәр конференцияһының "Балҡыш-2022" 22-се Бөтә Рәсәй олимпиадаһы үткән. Унда балалар һәм йәштәр араһында "Кеше - Ер - Йыһан" фәнни-эҙләнеү проекттары тәҡдим ителгән.

Сарала бөтәһе 150 конкурсант ҡатнашҡан, Рәсәйҙең 45 төбәгенән барғандар.

Хәйбулла районынан Шамил Теләүғолов "Автомоделләштереү" йүнәлеше буйынса шөғөлләнә. Етәксеһе - Г.М. Билалов. Мәртәбәле сарала Шамил беренсе урынды яулаған!

Сарала ҡатнашыусылар Олимпиаданың Алтын фондына индерелгән. Хәйбулла уҡыусыһын оло еңеүе менән ҡотлайбыҙ!

Фото: Хәйбулла районы хакимиәте сайты.