Кадет класташтары менән осрашты

Рәсәй Геройы Александр Доставалов исемендәге Волга буйы федераль округының Башҡортостан кадет корпусы кадеты Морат Мөхәмәт улы Мусин класташтарының - 1-се Асҡар урта мәктәбенең 6-сы класс уҡыусылары менән осрашҡан.

Ул балаларға көндәлек режим, уҡыу, Ишембай ҡалаһы тураһында һөйләгән. Тиҫтерҙәренең һорауҙарына яуап биргән. Тап шундай Морат кеүек егеттәр күңеленә бәләкәйҙән Тыуған илгә һөйөү һалына, улар илһөйәрлек өлгөһө булып тора.

Алда Моратты күп көс талап иткән уҡыу, хәрби әҙерлек һәм даими күнекмәләр көтә. Уға һаулыҡ, уңыштар теләйбеҙ!

Фото: Асҡарҙың 1-се мәктәбе сайты.