Эльвира Айытҡолова туған телдәрҙе һаҡлау буйынса сығыш яһаған

Яҡташыбыҙ, Дәүләт Думаһы депутаты, Бөтә донъя башҡорттары ҡоролтайы Президиумы рәйесе Эльвира Айытҡолова Рәсәй Федерация Президенты янындағы милләт-ара мөнәсәбәттәр буйынса Советы барлыҡҡа килеүгә 10 йыл тулыуға арналған “Рәсәй: берҙәм һәм төрлө” Бөтә Рәсәй ғилми-ғәмәли конференцияла ҡатнашып, “Рәсәйҙең этномәҙәни һәм тел төрлөлөгөн һаҡлау” темаһына – туған телдәрҙе һаҡлау буйынса сығыш яһаны.

“Туған телдәрҙе һаҡлау буйынса сығыш яһаным. Конференцияның ҡарарҙар проектына түбәндәгеләрҙе индерергә тәҡдим иттем:

– туған телдәрҙе һаҡлауҙа балалар баҡсаларының ролен көсәйтеү, уларға бөтә кимәлдәрҙә лә методик һәм финанс ярҙам күрһәтеү;

– мәктәптәрҙә туған телдәрҙе һайлауға дәртләндереү сараларын уйлаға кәрәк, мәҫәлән, ГТО-ны тапшырған өсөн юғары уҡыу йорттарына инеү өсөн өҫтәмә балл ҡаралған;

– популяр йәнһүрәттәрҙе Рәсәй халыҡтары телдәренә тәржемә итеү мөмкинлеген тыуҙырырға, бөгөнгө көндә был эштең иң ҡиммәт өлөшө – авторлыҡ хоҡуҡтарына түләү;

– күп милләтле илебеҙҙең туған телдәрен һаҡлау буйынса системалы эш алып барыу өсөн координациялаусы федераль органды билдәләргә”, – тип уртаҡлашты Эльвира Ринат ҡыҙы.

Фото: Эльвира Айытҡолованың социаль селтәрҙәге сәхифәһенән.