Донъяның бер илендә лә ундай программа юҡ

"Берҙәм Рәсәй" һәм Рәсәй Мәғариф министрлығы программаһы буйынса 2022 йылда 75 төбәктә 1100 мәктәп ремонтланған.

“Берҙәм Рәсәй” һәм Мәғариф министрлығының берлектәге уҙғарылған видеокәңәшмәлә 2022 йылда мәктәптәрҙе капиталь ремонтлау программаһын тормошҡа ашырыу һөҙөмтәләре һәм 2023 йылға пландар тикшерелде. Сарала объекттарға беркетелгән депутаттар һәм райондарҙағы ата-әсәләр штабы вәкилдәре ҡатнашты.

– Әле 1100 бина йүнәтелгән. Асылда, хәҙер улар яңы дөйөм белем биреү учреждениелары. Ҡалған 15 миллиард һум аҡсаға тағы ла 600 мәктәп ремонтланған. Айырым билдәләп үтергә теләйем, Ҡалмыҡ, Удмуртия республикаларында һәм Тула өлкәһендә биш мәктәп бинаһында капиталь ремонт тамамланмаған. “Берҙәм Рәсәй” тарафынан ошо объекттарҙы куратор итеп билдәләгән депутаттарҙан был мәктәптәрҙә ремонт эштәренең тамамланыуын күҙәтеүҙәрен һорайым, — тине ултырышта Рәсәй мәғариф министры Сергей Кравцов.

Үҙ сиратында, "Берҙәм Рәсәй"ҙең Генераль советы секретары Андрей Турчак билдәләүенсә, тағы ла бер нисә төбәктә программа күрһәткестәрен үтәүҙә артта ҡалыу күҙәтелә.

–  Яҡын арала ул төҙәтелер. Был Байкал аръяғы крайы, Курск, Новосибирск һәм Псков өлкәләре. Был төбәктәрҙә һәр объект өсөн тәғәйенләнгән депутаттар эшләй. Башлыҡтар менән даими бәйләнештәбеҙ. Йыл аҙағына тиклем объекттарҙа бөтә эштәр тамамланыр, тип ышанам. Тотҡарлыҡтарҙың сәбәптәрен айырым асыҡларға кәрәк, — тине Андрей Турчак.

Сергей Кравцовҡа программаны үтәмәгән подрядсы ойошмаларҙың реестрын төҙөүҙе һораны, уларҙы киләсәктә конкурста ҡатнашыуға йәлеп итмәйәсәктәр.

Генераль совет секретары билдәләүенсә, киләһе йылда бөтә ил буйынса 1,5 меңдән ашыу мәктәп ремонтланасаҡ. “Берҙәм Рәсәй” тейешле финанслауҙы федераль бюджетҡа һалған. Төбәк бюджеттары сиктәрендә программаны берлектә финанслау ҡаралған.

Мәктәптәрҙе капиталь ремонтлау буйынса ғаризалар йыйыуҙа яңы биләмәләр ҙә ҡатнашасаҡ – Генераль совет секретары Луганск һәм Донецк халыҡ республикаларында, Запорожье һәм Херсон өлкәләрендә “Берҙәм Рәсәй” төбәк бүлексәләренә тейешле күрһәтмәләр бирҙе. Был биләмәләрҙә мәктәп биналары оҙаҡ йылдар ремонтланмаған һәм махсус хәрби операция башланғас, уларҙың күбеһе Украина Ҡораллы Көстәре тарафынан утҡа тотолған.

–  Беҙҙең яңы төбәк бүлексәләренең киләһе йылға ғаризалар йыйыуҙа, ремонт талап иткән мәктәптәргә ихтыяжды иҫәпләүҙә әүҙем ҡатнашыуы бик мөһим. Федераль министрлыҡ һәм Хөкүмәт был ғаризаларҙы оператив ҡарап сығыр, уларҙы хуплар һәм башҡарыуға ҡабул итер, тип ышанам, — тине Андрей Турчак.

Шулай уҡ “Берҙәм Рәсәй” тәҡдиме менән яңы йылдан тотонолмай ҡалған бюджет аҡсаһы мәктәптәрҙе өҫтәмә капиталь ремонтлауға йүнәлтелеүе бар. Бюджет кодексына индерелгән төҙәтмәләр Хөкүмәткә бындай аҡсаларҙы төбәктәр юллауы буйынса йүнәлтеү хоҡуғын бирә.

– 1 ғинуарҙан Хөкүмәттең ошондай мөмкинлеге буласаҡ. Әммә был бурыс түгел, ә хоҡуҡ. Ә был хоҡуҡ өсөн көрәшергә кәрәк . Был беҙ шөғөлләнәсәк ҙур уртаҡ эш, — тине Генераль совет секретары.

Мәғариф министры Сергей Кравцов билдәләүенсә, мәктәптәрҙе капиталь ремонтлау программаһы ысын мәғәнәһендә халыҡтыҡына әйләнгән.

– Капиталь ремонт программаһы “Берҙәм Рәсәй”ҙең халыҡ программаһының бер өлөшө булып тора һәм тура мәғәнәлә халыҡтыҡына әйләнде, сөнки ата-әсәләр ҙә, балалар ҙа проект проекттарында ҡатнаша һәм эште бөтә этаптарҙа ла күҙәтә. Донъяның бер илендә лә ундай программа юҡ, – тине министр.

Мәғариф министрлығы проектты тормошҡа ашырыуҙа “Берҙәм Рәсәй”ҙең ғәмәлдәге ярҙамын тоя, тип билдәләне ул.

Һүҙҙе йомғаҡлап, “Берҙәм Рәсәй” Генераль советы секретары йыл аҙағында билдәләнгән ваҡытта капиталь ремонт буйынса эш башҡармаған һәм "ҡыҙыл" зонала торған төбәктәрҙе тыңларға тәҡдим итте.

–  Төбәк башлыҡтарын, "Берҙәм Рәсәй"ҙең төбәк бүлексәләре секретарҙарын тыңларға тәҡдим итәм. Хеҙмәттәштәребеҙ декабрь аҙағына тиклем “ҡыҙыл” зонанан сыҡһа, беҙ уларҙы саҡырмайбыҙ. Ә унда ҡалһалар, бындай күңелһеҙ һөҙөмтәләргә нисек өлгәшкәндәрен тотош илгә һөйләрҙәр. Әлеге тәжрибә менән Президент ҡуйған бурысты үтәйәсәкбеҙ, тип ышанам. Етешһеҙлектәрһеҙ һәм сифатты, графиктарҙы боҙмайынса, – тип тамамланы Андрей Турчак.

Үҙ сиратында, Башҡортостанда "Яңы мәктәп" проекты координаторы, Дәүләт Йыйылышы – Ҡоролтайҙың Мәғариф, мәҙәниәт, спорт һәм йәштәр сәйәсәте буйынса комитеты рәйесе Рәил Әсәҙуллин хәбәр итеүенсә, партия проекты сиктәрендә ремонтланған мәктәптәр һаны буйынса Башҡортостан Рәсәйҙә икенсе урында тора.

– Бөтәһе 80 объект тәҡдим ителгән, шуларҙың 63-ө быйыл тамамланған, 17-һе ике йылға иҫәпләнгән. Уларға бөтәһе ете миллиард һум самаһы күләмдә федераль аҡса бүленгән. Мәктәп инфраструктураһын яңыртыу программаһы алты йүнәлеште күҙ уңында тота, улар “Берҙәм Рәсәй” халыҡ программаһының пункттары булып тора. Проектты тормошҡа ашырыу федераль, шулай уҡ төбәк структураларының етди контроле аҫтында үтте. Шулай уҡ “Яңы мәктәп” проекты сиктәрендә эш комиссияһы булдырылған, уның составына партия әүҙемселәре, Йәмәғәт советын ойоштороусылары, Мәғариф һәм фән министрлығы вәкилдәре, район мәғариф идаралыҡтары инә. Төбәк парламенты депутаттары муниципаль власть органдары вәкилдәре, йәмәғәт эшмәкәрҙәре, ата-әсәләр һәм балалар менән берлектә урындарҙа төҙөлөш барышын күҙәтеп барҙы, мәктәптәрҙең дизайнын тикшерҙе. 2023 йылда дөйөм белем биреү ойошмаларының бөтәһе 134 бинаһын яңыртыу планлаштырыла. Төҙөлөш эштәре һәм ҡорамалдары өсөн федераль бюджеттан 6,182 миллиард һум бүлеү ҡаралған. Был аҡсаларҙы Рәсәй Федерацияһы Мәғариф министрлығы менән килешеүгә ҡул ҡуйғас, федераль бюджетты раҫлағас, 2022 йылдың декабрендә республика бюджетына еткереү планлаштырыла, — тине Рәил Әсәҙуллин.

Хәтерегеҙгә төшөрәбеҙ, “Берҙәм Рәсәй” партияһы Мәғариф министрлығы менән берлектә тормошҡа ашырған мәктәптәрҙе капиталь ремонтлау программаһы халыҡ программаһына индерелгән һәм ул 2021 йылда партия съезында Президент тәҡдиме менән буйынса индерелгән. Унда 7300-гә яҡын мәктәп ҡатнаша. Эштең бөтә этаптары, проекттан алып тапшырыуға тиклем, төбәктәрҙә “Берҙәм Рәсәй” һәм Мәғариф министрлығы булдырған ата-әсәләр штабы тарафынан контролдә тотола.

Фото: bashkortostan.er.ru.