“Күнекмәләрҙән һуң егеттәр үҙгәрә”

“Авангард” уҡыу-методика үҙәгендәге күнекмәләр биш көн генә дауам итә. Оҙаҡ та түгел һымаҡ, әммә уларҙан һуң егеттәр һиҙелерлек үҙгәрә. Уларҙы бында яңы күнекмәләргә, яуаплылыҡҡа, үҙаллылыҡҡа, кәрәк саҡта бер-береңә иңеңде ҡуйырға өйрәтәләр.

Ярты йыл эсендә республиканың төрлө мөйөштәренән 1600-ҙән ашыу Х класс уҡыусыһы күнекмәләр үтте. 360-тан ашыу кеше профилле сменаларҙа ҡатнашты.

Бында теория тормошсан күнекмәләр менән нығытыла. Балалар парашют менән һикерергә, урында йүнәлеш алырға өйрәнә, физик әҙерлек кимәлен яҡшырта. Мотлаҡ рәүештә “Геройҙар уҙышы” үткәрелә.

Уҡыу үҙәгендә заманса хәрби-медицина әҙерлеге кабинеты йыһазландырылған, унда курсанттар медицина ярҙамы күрһәтергә өйрәнә. Электрон тир, тематик кластар бар. Ноябрҙән уҡыу программаһына янғын хәүефһеҙлеге, һыуҙа үҙеңде тотоу ҡағиҙәләре буйынса дәрестәр индерелде. Ғәҙәттән тыш хәлдәр министрлығы хеҙмәткәрҙәре ғәҙәттән тыш хәлдәрҙә граждандар оборонаһына һәм яҡлауға өйрәтә. “Авангард”ҡа йәмәғәт ойошмалары вәкилдәре, “Хәрби туғанлыҡ” ветерандары йыш килә.

Бәлки, “Авангард”та алған бөтә күнекмәләр ҙә уларға артабанғы тормошта кәрәк тә булмаҫ. Әммә бындай мәктәптән һуң уларға үҙҙәрен һәм, кәрәк булһа, башҡаларҙы яҡлау еңелерәк буласаҡ, тип ышанам”, - тип яҙҙы Радий Хәбиров.

Сығанаҡ һәм фото: vk.com/radiyhabirov